ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

აშშ-ის სახელმწიფო მდივანმა ჯონ კერიმ და საქართველოს პრემიერ-მინისტრმა გიორგი კვირიკაშვილმა ხელი მოაწერეს თავდაცვისა და უსაფრთხოების სფეროში პარტნიორობის გარღმავების შესახებ ურთიერთგაგების მემორანდუმს

აშშ საქართველოს თავდაცვისუნარიანობის გაძლიერების მიზნით აპირებს გააფართოვოს დახმარების არსებული მექანიზმები. დოკუმენტში აღნიშნულია, რომ აშშ-საქართველოს სტრატეგიული თანამშრომლობის გაღრმავების ფარგლებში ყურადღების გამახვილება იგეგმება სამ სფეროზე. ესენია: საქართველოს თავდაცვითი პოტენციალის გაზრდა, თანამშრომლობა სამხედრო და უსაფრთხოების სფეროში და ინფორმაციის გაცვლა.

„საქართველოს დამოუკიდებლობის 25-ე წლისთავს, კიდევ ერთხელ ვადასტურებთ აშშ-საქართველოს სტრატეგიულ პარტნიორობას, ერთგული ვართ თავდაცვისა და უსაფრთხოების სფეროში ჩვენი ურთიერთობის გარღმავებისა, ევროატლანტიკურ ინსტიტუტებში საქართველოს შემდგომი ინტეგრაციისკენ მიმართული ჩვენი სიმტკიცის გაძლიერებისა და საქართველოს თავდაცვისუნარიანობის განმტკიცებისა,“- ნათქვამია მემორანდუმში.

დოკუმენტის თანახმად, აშშ მაღალ შეფასებას აძლევს საქართველოს წვლილს გლობალური მშვიდობისა და ევროატლანტიკური უსაფრთხოების უზრუნველყოფის საქმეში. „აშშ-ს მტკიცე პოზიცია უკავია და რჩება ერთგული საქართველოს სუვერენიტეტის, დამოუკიდებლობისა და ტერიტორიული მთლიანობისადმი საერთაშორისოდ აღიარებულ საზღვრებში. აშშ აღიარებს საქართველოს მნიშვნელოვან როლს, როგორც რეგიონში სტრატეგიული და სანდო პარტნიორის და კვლავ უჭერს მხარს საქართველოს უფლებას, გააკეთოს დამოუკიდებელი და სუვერენული არჩევანი საგარეო და უსაფრთხოების კურსთან დაკავშირებით, რომელიც თავისუფალია გარე ზეწოლისგან და იძულებისგან“, - ნათქვამია დოკუმენტში. 

 
 
კვ ორ სა ოთ ხუ პა შა
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

დიასპორის სტრატეგია

 

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ